Waziri Mhagama aagiza kuimarishwa Miundombinu ya mawasiliano Dar

Stephano Mgendanyi · 2023-11-24T17:40:32+00:00

Serikali kupitia ofisi ya Rais TAMISEMI imeahidi kutoa kiasi cha shilingi milioni 20 ili kuimarisha kivuko cha cha Magole/Mwanagati kilichopo katika kata ya Mzinga Halmashauri ya Ilala mkoani Dar es salaam ili kiweze kupitika muda wote. Kauli hiyo imetolewa na Waziri wa Nchi Ofisi ya Waziri Mkuu, (Sera, Bunge na Uratibu) Mhe, Jenista Mhagama wakati akizungumza na wakazi waliojitokeza katika eneo hilo la kivuko liloathirika na mvua wakati wa ziara yake iliyolenga kupata taarifa zilizochukuliwa na kamati ya mkoa ya maafa juu ya kudhibiti madhara ya zaidi mvua yanayoweza kujitokeza. Ameongeza kusema kazi ya kuimarisha kivuko ifanywe na wakala wa barabara vijijini TARURA haraka iwezekanavyo, “Kivuko hiki kitakapokuwa kinapitika muda wote hakitarudisha juhudi ya kwenda na mpango wa pili wa muda mrefu wa kujenga daraja la kudumu,”alibainisha Waziri mhagama alisema kuwa serikali inatamani kuona shughuli za wananchi zifanyika bila kusimama; tunatamani watoto wetu waende shule, tunatamani kina mama wajawazito waende kupata huduma za afya kwa wakati, tunapenda wananchi wajisikie serikali yao inawajali, alisema Waziri. “Tunataka tutengeneze daraja livutie machoni pa watu, kiwe matumaini kwa watu kwamba hii ni nyota ya Mhe. Rais, Dkt, Samia Suluhu Hassan na wananchi washirikishwe kiasi cha kutosha,” alifafanua Waziri Mhagama alielekezaTARURA kuifanya kazi hiyo kwa uaminifu mkubwa na kwa hofu ya Mungu, kwa sababu wanasimamia uhai na maisha ya watu na sisi tunawaamini na tunawategemea. Katika hatua nyingine Waziri ameomba wananchi kuendelea kuchukua tahadhari juu ya magonjwa ya mlipuko; hali ya mvua inaweza kutupelekea kwenye magonjwa ya kuhara na magonjwa ya malaria. Aliwaasa wananchi kuendelea kusafisa vichaka na kujenga utaratibu mzuri wa kusafisha mazingira yeo, na kila mmoja awe askari wa mwenzake na kuhakikisha mifereji yote inakuwa safi na mapito ya maji yanakuwa wazi. Kwa upande Mkuu wa Mkoa wa Dar es salaam Mhe. Mhe. Albert Chalamila alisema Mkoa wa Dar es salaam umeathiriwa na wa ujenzi wa kutawanyika, hivyo kasi ya ujenzi wa miundombinu imekuwa gharama kubwa, lakini lazima hilo lifanyike kwa sababu ni huduma kwa watanzania. "Wataalamu wetu wamekuwa wakisanifu ramani za daraja lakini bado hatujapata fungu la fedha kwa ajili ya ujenzi wa daraja, na hapa tunahitaji mkakakati mkubwa wa kuzuia mto kutokula kingo zake" "Tunajitahidi kuhakikisha wananchi hawajengi mabondeni; na kulinda mito dhidi ya shughuli za kibinadamu, ikiwa ni sambamba na kuhakikisha tunaunganisha miundo mbinu ya mawasiliano ili mambo yaweze kwenda vizuri,” alifafanua Mkuu wa Mkoa.

Thread starter Stephano Mgendanyi
Start date Nov 24, 2023
Tags

aagiza dar mawasiliano miundombinu waziri

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Waziri Mhagama aagiza kuimarishwa Miundombinu ya mawasiliano Dar

Stephano Mgendanyi

JF-Expert Member

Our Community

Regional Communities