Wanasiasa wachochezi kukabiliwa vikali

Miss Zomboko · 2020-09-24T06:34:42+00:00

WIZARA ya Usalama wa Ndani inabuni kanuni itakayohakikisha kuwa taifa halitatumbukia kwenye ghasia jinsi ilivyoshuhudiwa awali nyakati za uchaguzi. Katibu wa wizara hiyo Karanja Kibicho alisema Jumatano kuwa watu wanaoeneza chuki watakabiliwa vikali kwani ndio kiini cha migawanyiko ya kisiasa nchini. Bw Kibicho alizungumza katika mkutano na viongozi wa Kaunti ya Kisii kabla ya kuanza ziara yake ya ukaguzi, huku kaunti hiyo ikijitayarisha kuandaa sherehe za Sikukuu ya Mashujaa hapo Oktoba 20. Huku akipuuzilia mbali nembo ya ‘deep state’, katibu huyo alisema hakuna aina yoyote ya ‘matusi’ itakayozuia azma yake ya kuwahudumia Wakenya. “Tutahakikisha kuwa tunaendelea kutoa huduma kwa raia ikiwemo kupiga vita Alshabaab na pombe haramu pamoja na aina nyingine za uhalifu. Ninasisitiza kwamba hatutatishiwa na yeyote ili tukae kimya. Hatutaingizwa uwoga wala hatutalegeza kamba kamwe,” alisema akieleza kuwa wataendelea kufanya jinsi walivyoagizwa na Rais Uhuru Kenyatta ili kuhakikisha kwamba usalama umedumishwa nchini. Alisema kuwa Huduma Namba haikuwa mzaha na kwamba ilikuwa miongoni mwa miradi mingi ambayo ni sharti watekeleze kwa hisani ya uongozi wa Rais Kenyatta. Katibu huyo alisema wanatazama na hawatajaribu kutofautisha kati ya watu wanaoonekana kama wapole au wasio wapole mradi tu wanatoa hotuba zitakazosababisha vurumai nchini. TaifaLeo

Thread starter Miss Zomboko
Start date Sep 24, 2020

Miss Zomboko

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wanasiasa wachochezi kukabiliwa vikali

Miss Zomboko

JF-Expert Member

Our Community

Regional Communities