Utafiti: Kupe wanachangia 65% ya vifo vya ng’ombe Tanzania

BARD AI · 2022-10-22T08:56:31+00:00

Mtendaji Mkuu wa Wakala wa Maabara ya Vetenari Tanzania, Dk Stella Bitanyi amesema asilimia 65 ya vifo vya ng'ombe vinasababishwa na mdudu kupe (ndorobo). Amesema mdudu huyo anayesababisha magonjwa makuu mawili, asilimia 80 kati ya vifo hivyo vinatokana na aina ya ugonjwa wa ndigana kali ukilinganisha na ndigana baridi. Dk Stella ameyasema hayo leo Ijumaa Oktoba 21, 2022 wakati akizungumza na waandishi wa habari kuhusu utekelezaji na mwelekeo wa bajeti wa Maabara hiyo kwa mwaka wa Fedha 2022/23. Amesema ugonjwa huo unaongoza kuua ng'ombe na ni gharama zaidi katika matibabu yake. "Magonjwa yote ya wanyama yanaua ila inategemea yametokea kwa kipindi gani kwasababu Kuna magonjwa ya mlipuko ambayo huua Kwa kasi Kwa wakati mmoja na wapi lakini huu ugonjwa upo siku zote na unaathiri sana na una gharama katika matibabu yake," amesema. Kufuatia vifo hivyo Dk Stella amesema Wizara ipo katika mpango wa kuhakikisha kuwa kila kata na kijiji kinakuwa na josho na kutoa dawa za kuogeshea mifugo zinazotokana na ruzuku kutoka Serikalini. Dk Stella amesema tangu Maabara hiyo ipewe mamlaka na Wizara ya Mifugo na Uvuvi kutafiti na kuzalisha chanjo, chanjo 65 milioni za mifugo kama ng'ombe, kuku, kondoo, mbuzi na mbwa zimezalishwa. MWANANCHI

Thread starter BARD AI
Start date Oct 22, 2022
Tags

asilimia ng’ombe tanzania utafiti vifo wanachangia

BARD AI

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Utafiti: Kupe wanachangia 65% ya vifo vya ng’ombe Tanzania

BARD AI

JF-Expert Member

Our Community

Regional Communities