Usikute Yeye Ni Ndumilakuwili: Mapenzi ya Kijanja au Kuingizwa Chaka?

Last_Joker · 2024-10-26T10:33:32+00:00

Mwanaume au mwanamke wako anapokufanyia vituko vya kushangaza, kama ku-mute simu akilala au kubadilisha password mara kwa mara, unajua kuna mambo. Hivi unadhani ni sawa kuingia kwenye mahusiano ya kutomwamini mtu? Au kuna uwezekano kwamba huyu mtu wako ni mdumilakuwili? Karibu hapa tujadili, wadau! Hasa pale ambapo kila kitu kinaonekana kuwa sawa, lakini ndani ya moyo unahisi kuna mambo. Je, ni sawa kuchunguzana kimyakimya ili kuokoa moyo wako? Ungefanya nini kama ungemgundua mwenzako anasoma meseji zako? Nijuze ulichowahi kufanya au unachofikiri ni sawa! Sasa hebu fikiria, mpenzi wako ana tabia hizi ndogondogo za kukufanya ujiulize. Mara simu inakuwa na password, mara anachelewa kujibu meseji, au anakwambia kila siku yuko "bize" – lakini bado anakuwa online muda wote! Unajua moyo unapochoka na kuanza kuhisi kama unaibiwa au kuchezewa akili, inakuwa ngumu kutochunguza. Ila swali linabaki, ni sawa kuchunguza au hilo ni dalili ya kutokuaminiana? Wapo wanaosema eti ukimpenda mtu, huna haja ya kumfuatilia, unampa uhuru wake. Lakini jamani, wakati mwingine huu "uhuru" ndiyo unakuwa mlango wa kujificha. Eti sasa hivi watu wanasema ni kawaida kuwa na “back-up,” yaani unapokuwa na mtu wako lakini una “one leg in, one leg out” kwa kuwa na mtu wa ziada. Hivi, ni sahihi kukubali mambo haya kama sehemu ya mapenzi ya kisasa? Mwingine anakwambia, "Haina noma ukiwa na ‘backup,’ inasaidia kukuzuia usiumie." Sasa hebu tujiulize, kweli mapenzi bila kujiweka kabisa yanakupa furaha au ni kujipa presha tu? Kama kweli unahisi mpenzi wako anaweza kuwa mdumilakuwili, unadhani kuna faida kumchunguza? Au bora kujichunga mwenyewe na kumpa uhuru wake? Halafu sasa, kuna wale wanaosema, “Ukijua siri ya simu yake ni sawa na kujichomea, bora hata usijue!” Ni kweli? Ni mara ngapi watu wamegundua mambo ambayo yalibadilisha kabisa mtazamo wao kwa mwenza wao? Au labda, unadhani mnapokuwa na mawasiliano ya wazi na kuaminiana, basi hakuna haja ya kuhisi presha za kudhibiti simu ya mwenzako au kujua kila kitu? Tuambie, umewahi kujikuta kwenye hii hali? Ulikabiliana nayo vipi? Wadau, tunaambiwa eti mapenzi yanahitaji kuwa na imani, lakini kwenye dunia hii ambayo watu wanatafuta kufurahia bila kuumizwa, je, hii imani imekuwa nadra sana? Hebu changia mawazo yako, tujue kama mapenzi ya leo ni mchezo wa hatari au bado kuna watu waaminifu!

Thread starter Last_Joker
Start date Oct 26, 2024
Tags

hisia za mapenzi mahusiano mapenzi uhuru ujana ujanja

Last_Joker

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Usikute Yeye Ni Ndumilakuwili: Mapenzi ya Kijanja au Kuingizwa Chaka?

Last_Joker

Senior Member

Our Community

Regional Communities