THBUB kutoa elimu kuhusu Misingi ya Haki na Utawala Bora kwa wananchi Kigoma

Tume Haki Binadamu(THBUB) · 2025-02-11T21:12:36+00:00

Kamishna wa Tume ya Haki za Binadamu na Utawala bora Mhe. Bi Amina Ali amesema Tume inatarajia kutoa elimu kuhusu misingi ya haki na Utawala bora kwa wananchi katika maeneo mbalimbali ya Mkoa wa Kigoma kwa lengo la kuwawezesha Wananchi kutambua haki zao na kudumisha Utawala unaozingatia haki za binadamu. Kamishna Mhe.Amina ametoa kauli hiyo leo tarehe 10 Februari 2025 wakati akizungumza na Waandishi wa vyombo mbalimbali vya Habari kwenye ofisi ya Mkuu wa Mkoa wa Kigoma kuhusu zoezi la kutoa elimu kwa wananchi katika Halmashauri mbalimbali za Mkoa wa Kigoma. Amesema Tume itatoa elimu kwa watendaji wa Wilaya lakini pia kwa wananchi kupitia mikutano ya hadhara na kwamba watatumia mikutano hiyo kuitambulisha Tume pamoja na kuwasikiliza wananchi na kupokea malalamiko yanayohusu Haki za Binadamu na Utawala bora kwenye maeneo yao. "Tutakua tunazungumza pamoja sisi na Wananchi, sisi tutatoa elimu waielewe lakini pia na wao waelewe haki zao na misingi ya Utawala bora, pale ambapo imetokea kasoro ama imekiukwa basi waweze kujua na waelewe kwamba Tume tunapokea malalamiko" amesisitiza Mhe. Amina. "Baada ya kupokea malalamiko tunayafanyia uchunguzi wa kina kuweza kujua lalamiko, nani aliyefanya na ni nini kilichotokea na baadaye tunatoa mapendekezo yetu kwa Serikali." Aidha Mhe.Amina amesema elimu ya misingi ya Haki za Binadamu na Utawala bora itatolewa pia kwa Wanafunzi kwenye shule na vyuo mbalimbali,ili kuwajengea uelewa Wanafunzi kwaajili ya mustakabali wa kuwa na viongozi bora siku za usoni. Hata hivyo Kamishna Mhe.Amina amesema zipo Asasi za kiraia ambazo watashirikiana nazo katika kufanya kazi kwa pamoja na kueleza kuwa asasi hizo ni muhimu katika utekelezaji wa majukumu yao

Thread starter Tume Haki Binadamu(THBUB)
Start date Feb 12, 2025
Tags

elimu kwa wananchi haki za binadamu kigoma utawala bora wananchi

Tume Haki Binadamu(THBUB)

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

THBUB kutoa elimu kuhusu Misingi ya Haki na Utawala Bora kwa wananchi Kigoma

Tume Haki Binadamu(THBUB)

Member

Our Community

Regional Communities