Tanzania na uganda zasaini makubaliano ya uimarishaji mpaka wa kimataifa

Wizara ya Ardhi · 2024-11-09T12:35:31+00:00

Bukoba Tanzania na Uganda zimetia saini makubaliano ya uimarishaji mpaka wa kimataifa baina ya nchi hizo mbili. Makubaliano hayo yalifikiwa wakati wa mwisho wa kikao cha Kamati ya Pamoja ya Wataalamu (JTC) kati ya nchi hizo kilichokuwa na lengo la kujadiliana namna ya kuimarisha mpaka wa Tanzania na Uganda. Utiaji saini makubaliano hayo ulifanyika katika manispaa ya Bukoba mkoani Kagera kati ya Mkurugenzi wa Upimaji na Ramani wa Wizara ya Ardhi Nyumba na Maendeleo ya Makazi Hamdouny Mansour na Bi Jacqueline Banana Wabyona ambaye ni Mkuu wa ujumbe wa wataalamu kutoka nchini Uganda. Wakati wa utiaji saini makubaliano hayo, viongozi wote wawili walionesha kuridhishwa na namna wataalamu wa nchi hizo mbili walivyoshiriki majadiliano ya pande hizo mbili na hatimaye kufanikisha kusainiwa kwa makubaliano kati ya Tanzania na Uganda. Kikao cha Kamati ya pamoja cha wataalamu wa Tanzania na Uganda (JTC) kilianza tarehe 5 Novemba 2024 mkoani Kagera ambapo kimejadili mambo mbalimbali ha uiamarishaji mpaka wa kimataifa baina ya nchi hizo. Mpaka wa Tanzania na Uganda una urefu wa takriban km 397.8 ambapo kati ya hizo km109 ni nchi kavu , km 42.8 ni sehemu ya mto kagera na km 246 ni sehemu ya ziwa victoria. Zoezi la uimarishaji mipaka ya kimataifa ni utekelezaji wa makubaliano ya Umoja wa Afrika kuwa, ifikapo mwaka 2027 mipaka baina ya nchi za Afrika iwe imeimarishwa.

Thread starter Wizara ya Ardhi
Start date Nov 9, 2024
Tags

kimataifa makubaliano mpaka tanzania uganda

Wizara ya Ardhi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tanzania na uganda zasaini makubaliano ya uimarishaji mpaka wa kimataifa

Wizara ya Ardhi

Member

Our Community

Regional Communities