Tanzania na Uganda zakutana kujadili uimarishaji mpaka wa kimataifa

Wizara ya Ardhi · 2024-11-05T13:40:46+00:00

Bukoba Kikao cha Kamati ya pamoja cha wataalamu wa Tanzania na Uganda kimeanza mkoani Kagera nchini Tanzania kujadili uiamarishaji mpaka wa kimataifa baina ya nchi hizo. Kikao hicho kinachofanyika katika manispaa ya Bukoba mkoani Kagera kimeanza leo tarehe 5 Novemba 2024 na kutaratarajiwa kumalizika Novemba 7, 2024 kinahusisha wataalamu kutoka nchi za Tanzania na Uganda. Akifungua kikao hicho cha siku tatu kwa niaba ya Mkuu wa mkoa wa Kagera Hajat Fatma Abuubakar Mwasa, katibu Tawala mkoa wa Kagera Bw. Stephen Ndaki amesema Tanzania imejipanga kikamilifu kutekeleza zoezi la uimarishaji mpaka wa kimataifa kwa ajili ya ustawi wa nchi hizo mbili. Amebainisha kuwa, uimarishaji mpaka wa kimataifa kati ya Tanzania na Uganda una lengo la kuweka usimamizi mzuri wa mpaka baina ya nchi hizo pamoja na Kukuza amani, upendo, usalama na maisha ya watu wake. Kupitia hotuba hiyo ya Mkuu wa mkoa wa Kagera, Bw. Ndaki amesema, Tanzania na Uganda zimekuwa na mahusiano mazuri ikiwemo tamaduni zinazofanana alizozieleza kuwa, zimewezesha wananchi wa nchi hizo mbili kuishi kwa upendo. "Ni imani yangu kila mshiriki katika kikao hiki atatumia muda kuhakikisha uimarishaji mpaka wa kimataifa baina ya nchi zetu unakuwa na matokeo mazuri kwa ustawi wa nchi na wananchi wetu" amesema. Mkurugenzi wa Upimaji na Ramani wa Wizara ya Ardhi Nyumba na Maendeleo ya Makazi ambaye ni kiongozi wa timu ya Tanzania katika kikao hicho Bw. Hamdouny Mansoor amesema, mkutano huo ni utekelezaji wa mpango wa Umoja wa Afrika kuhusu uimarishaji wa mipaka ya kimataifa kwa nchi za Afrika kufikia mwaka 2027. " Ni nia ya Umoja wa Afrika kuzifanya nchi za Afrika kuwa na amani pasipo migongano wakati wa zoezi zima za uimarishaji mipaka ya kimataifa" amesema Mansoor . Kwa upande wake Mkuu wa ujumbe wa timu ya wataalamu kutoka Uganda Bi. Jacqueline Banana Wabyona ameihakikishia Tanzania ushiriki mzuri kwenye kikao hicho kwa lengo la kufikia matokeo chanya ya uimarishaji mpaka kati ya Tanzania na Uganda. Mpaka wa Tanzania na Uganda una urefu wa takriban km 397.8 ambapo kati ya hizo km109 ni nchi kavu , km 42.8 ni sehemu ya mto kagera na km 246 ni sehemu ya ziwa victoria. Zoezi la uimarishaji mipaka ya kimataifa ni utekelezaji wa makubaliano ya Umoja wa Afrika kuwa, ifikapo mwaka 2027 mipaka baina ya nchi za Afrika iwe imeimarishwa. Tanzania imepakana na nchi 10 ambazo ni Kenya, Uganda, Burundi, Rwanda, DRC, Zambia, Malawi, Msumbiji, Comoro na Shelisheli huku mipaka baina ya nchi hizo ikiwa imegawanyika katika sehemu mbili za nchi kavu na majini.

Thread starter Wizara ya Ardhi
Start date Nov 5, 2024
Tags

tanzania uganda wizara ya ardhi

Wizara ya Ardhi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tanzania na Uganda zakutana kujadili uimarishaji mpaka wa kimataifa

Wizara ya Ardhi

Member

Our Community

Regional Communities