Tanzania na Marekani kushirikiana kibiashara kupitia sekta binafsi

bagamoyo · 2023-02-07T18:12:23+00:00

07 Feb, 2023 SERIKALI imesema imefungua milango ya ushirikiano wa kibiashara na kiuchumi kati ya Tanzania na Marekani kupitia Sekta Binafsi ili kuchochea biashara kupitia uwekezaji ikiwa ni utekelezaji wa mazungumzo kati ya Marais wa nchi hizo mbili yaliyofanyika hivi karibuni mjini Washington DC. Hayo yamesemwa Jijini Dodoma na Waziri wa Fedha na Mipango Mhe. Dkt. Mwigulu Lameck Nchemba na Waziri wa Uwekezaji, Viwanda na Biashara Dkt. Ashatu Kijaji, walipokutana na kufanya mazungumzo na Katibu Mkuu anayeshughulikia masuala ya Biashara wa Marekani, undersecretary Bi. Marisa Lago. Dkt. Nchemba amesema kuwa Tanzania ina maeneo mengi yenye fursa za uwekezaji ikiwa ni Pamoja na viwanda, kilimo, madini, uchakataji ngozi, nyama, madini lakini pia vifaa tiba, utalii, uchumi wa blue na mengine. “Tumekuwa na majadiliano mazuri hususani katika masuala ya uwekezaji kati ya Tanzania na Marekani, tumeahidi ushirikiano kwa sekta binafsi za nchi hizi mbili katika kuongeza biashara na uwekezaji wenye tija”, alieleza Dkt. Nchemba. Akizungumzia suala la ukusanyaji wa mapato ya Kodi Dkt. Nchemba alimwahidi Katibu Muu huyo kuwa Serikali inaendelea kuboresha mifumo ya ukadiriaji na ukusanyaji kodi kwa njia ya kidigitali ili kutenda haki, kuweka taratibu bora za ununuzi zinazozingatia pia haki ili kukuza biashara na uwekezaji hapa nchini. “Serikali itaongeza jitihada za kupunguza mawasiliano ya ana kwa ana katika ukadiriaji wa kodi ili kupunguza makadirio ambayo hayana uhalisia” aliongeza Dkt. Nchemba. Dkt Nchemba ameishukuru Serikali ya Marekani kwa msaada wake kwa Tanzania katika Sekta ya Elimu, afya demokrasia, utawala bora na ukuaji wa uchumi, kwa kipindi cha zaidi ya miaka 50 Kwa upande wake Waziri wa Uwekezaji, Viwanda na Biashara, Dkt. Ashatu Kijaji alisema kuwa kuna miradi 271 iliyowekezwa na wafanyabiashara kutoka Marekani yenye thamani ya dola za kimarekani milioni 4.8 ambayo inachochea ukuaji wa uchumi wa nchi. Alisema kuwa Sekta ambazo zimepewa kipaumbele katika uwekezaji huo ni pamoja na Maliasili na Utalii ambapo kuna miradi 68 iliyosajiliwa katika Kituo cha Uwekezaji Tanzania na pia miradi ya 66 ya kilimo ambayo inajishughulisha na uongezaji thamani ya mazao. “Mhe. Rais Dkt. Samia Suluhu Hassani amekuwa akisisitiza sana kuwa ni wakati wa wawekezaji kuja kuwekeza na kuongeza thamani ya mazao yetu na rasilimali nyingine ambazo tumekuwa tukizisafirisha zikiwa ghafi ambapo kwa kuongeza thamani ya rasilimali katika Taifa letu tutaongeza ajira na kukuza uchumi wetu” alisema Dkt. Kijaji. Aidha Dkt. Kijaji amewaalika tena wawekezaji na wafanyabiashara kutoka Marekani kuendelea kukaa na kufanya mazungumzo na Serikali kwa kuwa Serikali ipo tayari kuhakikisha kuna wekezaji wa kutosha na wenye tija. Kwa upande wake Katibu Mkuu wa masuala ya Biashara wa Marekani, undersecretary Bi. Marisa Lago aliihakikishia Tanzania kuwa Marekani iko tayari kuimarisha zaidi masuala ya biashara na uwekezaji kati ya nchi hizo mbili ikiwa ni hatua ya kuunga mkono dhamira ya Mhe. Dkt. Samia Suluhu Hassan, Rais wa Jamhuri ya Muungano wa Tanzania katika kukuza uchumi wa nchi kwa faida ya watu wake. Alisema kuwa Sekta binafsi ya Marekani iko tayari kuwekeza nchini na kuishauri Serikali kuendelea kuboresha mazingira ya uwekezaji na ufanyaji biashara ikiwemo kuimarisha mifumo ya kodi, mifumo ya ununuzi pamoja kuweka vivutio mbalimbali kwa wawekezaji. Aidha, undersecretary Marisa Lago aliipongeza Mhe. Rais Samia Suluhu Hassan kwa jitihada zake za kukuza uchumi na kuimarisha Maisha ya wananchi wake na akaahidi nchi yake itaendelea kumuunga mkono ili kufanikisha dhamira hiyo. Source : TANZANIA NA MAREKANI KUSHIRIKIANA KIBIASHARA KUPITIA SEKTA BINAFSI | MoF - Ministry of Finance and Planning MORE INFO : Press Release TanzaniaZambia UNDER SECRETARY LAGO TRAVELS TO TANZANIA AND ZAMBIA TO PROMOTE U.S. TRADE PARTNERSHIPS FOR IMMEDIATE RELEASE February 3, 2023 WASHINGTON – Building on the momentum of the U.S.-Africa Leaders Summit held in Washington, D.C., in December, Under Secretary of Commerce for International Trade Marisa Lago will travel to Tanzania and Zambia this week to continue strengthening the U.S.-Africa commercial relationship. Specifically, Under Secretary Lago will travel to Dar es Salaam and Dodoma, Tanzania, from Feb. 5-7, and Lusaka, Zambia, from Feb. 8-11 for bilateral meetings with senior government officials. She will also participate in industrial tours and discussions with U.S. and African companies, roundtable discussions with women entrepreneurs, tech startups, and American Chambers of Commerce to learn about the local business environment and highlight opportunities for bilateral commercial engagements and partnerships. Source : Under Secretary Lago Travels to Tanzania and Zambia to Promote U.S. Trade Partnerships

Thread starter bagamoyo
Start date Feb 7, 2023
Tags

binafsi kibiashara kupitia kushirikiana marekani sekta sekta binafsi tanzania

bagamoyo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tanzania na Marekani kushirikiana kibiashara kupitia sekta binafsi

bagamoyo

JF-Expert Member

Our Community

Regional Communities