SportPesa kudhamini timu ya Wabunge Kwa kuwapa vifaa vya michezo

pantheraleo · 2021-11-30T10:06:58+00:00

• Ni mashindano ya Mabunge ya nchi wanachama wa Jumuiya ya Afrika Mashariki. • Timu 8 kupewa vifaa ili kushiriki. Jumanne,November 30. Kampuni ya michezo Na burudani SportPesa leo imetoa vifaa vya michezo vyenye thamani ya zaidi ya shilingi milioni 20 kwa timu ya Bunge ambayo inatarajia kushiriki mashindano ya mabunge ya nchi wanachama wa Jumuiya ya Afrika Mashariki mkoani Arusha. Makabidhiano hayo yamefanyika katika ukumbi wa habari ofisi za Bunge kabla ya kuanza rasmi mashindano hayo. Akizungumza na waandishi wa habari Mwenyekiti wa Bodi ya Wakurugenzi SportPesa na vile vile ni Mwenyekiti wa Bunge Sports Club Tarimba Abbas alianza kwa kuwashukuru SportPesa kwa udhamini wao ili kufanikisha ushiriki wa mashindano hayo. “Hii ni mara ya pili kwa SportPesa kutoa udhamini huo ambapo mnamo mwaka 2017 walifanya hivyo kwenye mashindano ya Bunge “ “Tunapenda kuwahahakikishia mashabiki kuwa tunatarajia ushindi wa kishindo huku tukipeperusha bendera ya Bunge la Tanzania” “Tulikaa kikao na viongozi wa timu na wamenihakikishia kwamba watafanya vizuri ili kuhakikisha wanarudi na ushindi”. “SportPesa imedhamini kwa kutoa vifaa vya timu zote 8 ikiwemo Mpira wa miguu, mpira wa kikapu, mpira wa pete, dart, kuvuta Kamba pamoja na michezo mingine ikiwemo sare za viongozi”. Kwa upande wa Bunge la Jamhuri la Muungano wa Tanzania ambaye pia ni mwakilishi wa Katibu wa Bunge Mohammed Mwanga alianza kwa kuwashukuru SportPesa kwa uwapatia vifaa Bunge Sports Club na kuwaomba wabunge kuvitendea kazi. “Nawatakia Kila la kheri kwenye mashindano yatakayofanyika Karatu na Arusha, safari njema. Mcheze kwa ushikamano na kuhakikisha mnaondoka na ushindi.” Meneja Uhusiano na Mawasiliano SportPesa Sabrina Msuya aliwashukuru timu ya Bunge la Jamhuri kwa kujitoa na kuunda timu mbalimbali na kuwatakia kila la kheri kwenye mashindano hayo yatakayohusisha nchi za Afrika Mashariki. Kwa niaba ya viongozi wa Bunge Sports Club Mama Salma Kikwete aliongeza kwa kuwashukuru SportPesa na kuomba mashirika mengine kuhamasika katika michezo na kusaidia kwenye mashindano mbalimbali. Pia aliwaomba wabunge kuhakikisha wanashiriki kwa nidhamu na ushirikiano ili kuleta matokeo mazuri.

Thread starter pantheraleo
Start date Nov 30, 2021
Tags

kudhamini michezo sportpesa timu vifaa wabunge

pantheraleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

SportPesa kudhamini timu ya Wabunge Kwa kuwapa vifaa vya michezo

pantheraleo

JF-Expert Member

Our Community

Regional Communities