Mjumbe maalum wa Marekani nchini Haiti, ajiuzulu

beth · 2021-09-24T05:21:19+00:00

Mjumbe maalumu wa utawala wa rais Joe Biden nchini Haiti amejiuzulu kwa kupinga kile amechosema kufukuzwa bila kujali utu kwa wahamiaji wa taifa hilo pindi wanapoingia Marekani. Haiti ni nchi ambayo imekumbwa na mapigano ya wenyewe kwa wenyewe na mafaa ya majanga, maafisa wamesema Alhamisi. Daniel Foote aliteuliwa kwenye uadhifa huo mwezi Julai, kufuatia kuuawa kwa rais Jovenel Moise. Hata kabla ya kufukuzwa wahamiaji hao kutoka mji mdogo wa Texas wa mpakani, Del Rio, mwanadiplomasia huyo anajulikana kama mtu aliyekerwa sana na kile alichoona kama ukosefu wa hatua za haraka kutoka Washington na uzembe katika juhudi za kuboresha hali nchini Haiti. Foote alimuandikia waziri wa mambo ya nje Antony Blinken akimuelezea kwamba amejiuzulu mara moja, “kwa masikitiko makubwa na kuomba msamaha wale wanaotaka mabadiliko muhimu”. Foote ameandika” sitahusishwa na uamuzi wa Marekani usiojali utu, uamzi usiokuwa na tija kuwarudisha Haiti maelfu ya wakimbizi wa Haiti na wahamiaji haramu, nchi ambako maafisa wa Marekani wanabaki ndani kulinda nyumba zao kwa sababu ya hatari inayosababishwa na magenge yenye silaha kwa maisha ya kila siku”. Ameongeza kuwa “ mfumo wetu wa sera kwa Haiti bado una kasoro kubwa, na mapendekezo yangu ya sera yalipuuzwa na kutupiliwa mbali, au kuhaririwa na kutoa maelezo tofauti na yangu”. Wizara ya mambo ya nje ya Marekani imemkosoa Foote kwa kujiuzulu katika kipindi kigumu na imetupilia mbali madai kwamba mapendekezo yake ya sera yalipuuzwa.

Thread starter beth
Start date Sep 24, 2021
Tags

haiti marekani mjumbe

beth

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mjumbe maalum wa Marekani nchini Haiti, ajiuzulu

beth

JF-Expert Member

Our Community

Regional Communities