Madai ya ‘nipe nikupe’ ya nchi za Magharibi kuhusu tathmini ya Micron yaonesha upendeleo

ldleo · 2023-06-22T00:32:11+00:00

Wataalamu nchini China wanasema ni jambo la kushangaza kuwa, China kutangaza kwamba chip ya kumbukumbu ya kampuni kubwa ya teknolojia ya Marekani, Micron, imeshindwa kufikia vigezo, kumeibua malalamiko kutoka kwa baadhi ya vyombo vya habari vya nchi za Magharibi, na mtazamo wa “nipe nikupe”. Wataalam hao wamesema, baadhi ya nchi za Magharibi zinahukumu nyingine kutokana na matakwa yao wenyewe kwa kuwa zimezoea kuzifungia kampuni za China kutokana na tuhuma zisizo na msingi. Madai hayo yamekuja mara baada ya China kuweka wazi matokeo ya tathmini yake ya usalama wa kimtandao kuhusu Micron, ikisema kampuni hiyo haikufikia vigezo kwa kuwa ina matatizo makubwa ya usalama wa mtandao ambayo yanaweza kuleta hatari za kiusalama katika miundombinu ya mnyororo wa taarifa kwa China. Tathmini hiyo iliyofanywa na Ofisi ya Kutathmini Usalama wa Mtandao ya China (CRO) kuhusu bidhaa za Micron zinazouzwa nchini China tangu mwisho wa mwezi Machi, iligundua kuwa bidhaa hizo zina athari hasi kwa usalama wa taifa la China, na hii ni kwa mujibu wa taarifa iliyotangazwa katika tovuti ya Mamlaka ya Usimamizi wa Mtandao ya China. Matokeo yake, mamlaka zimewataka watoa huduma za miundombinu ya habari za ndani kuacha kununua bidhaa za Micron kwa kuendana na Sheria ya Mtandao ya taifa na kanuni nyingine. Msemaji wa Wizara ya Mambo ya Nje ya China Mao Ning amesema, tathmini hiyo inalenga kuzuia bidhaa kuhatarisha usalama wa miundombinu ya habari nchini China, na ni hatua ya lazima katika kulinda usalama wa taifa la China. Baadhi ya maofisa na vyombo vya habari vya kigeni vimehusisha moja kwa moja uamuzi huu na mvutano uliopo kati ya China na Marekani. Ripoti moja iliyotolewa na Reuters imemnukuu msemaji wa Wizara ya Biashara ya Marekani akisema kuwa, kitendo hicho hakiendani na madai ya China ya kufungua masoko yake na kuwa wazi katika mfumo wa kanuni za uwazi. Awali, baadhi ya vyombo vya habari vya kigeni vilinukuu habari kuwa Polisi wa Shanghai nchini China, hivi karibuni waliwahoji wafanyakazi wa idara ya utawala ya Kampuni ya ushauri ya Bain wanaotoka nchini Marekani, ikiwa ni ushahidi kuwa China inachukua hatua za kivitendo kulipiza kisasi. Lakini wataalamu wa China wanazikosoa nchi za Magharibi kwa kutumia vigezo viwili, kwa kuwa si mara nyingi kwa maofisa ama vyombo vya habari kuikosoa serikali ya Marekani kwa kuilenga China pale wanaweka vikwazo visivyo na msingi dhidi ya kampuni za China katika miaka ya karibuni. Gao Lingyun, mtaalam katika Akademia ya Sayansi ya Jamii ya China mjini Beijing anasema, huu ni mtazamo halisi wa vigezo viwili wa Marekani. Anasema kuwa tofauti kubwa kati ya tathmini ya Marekani na tathmini ya hivi karibuni ya China ni kwamba, China inaongelea ushahidi halisi badala ya tuhuma zisizo na msingi. Kwa mujibu wa Gao, muda wa tathmini hiyo unavipa baadhi ya vyombo vya habari vya nchi za Magharibi nafasi ya kudhani kuwa China inaweka kile kinachoitwa vikwazo dhidi ya Marekani, lakini ukweli kwamba, daima China imekuwa ikitafuta usawa kati ya usalama na maendeleo, na itaendelea kuwafanya maamuzi kuhusu kitu chochote kinachotia wasiwasi usalama wa taifa, jambo ambalo halina uhusiano wowote na mgogoro uliopo sasa kati ya China na Marekani. Gao pia amesema kama kampuni ya Micron inaweza kuboresha bidhaa zake kwa njia sahihi, bado inaweza kukubaliwa katika soko la China, na kuongeza kuwa, tathmini hiyo ni fursa nzuri kwa kampuni nyingine kuongeza ubora wa bidhaa zao. Mchambuzi wa masuala ya teknolojia Ma Jihua amesema, Marekani imekuwa ikitaja usalama wa taifa kama sababu ya tathmini mbalimbali za kampuni za China kwa miaka kadhaa, huku ikiziongeza katika orodha yake ya taarifa kamili, hivyo Marekani haistahili kusema chochote kuhusu tathmini ya China. Wataalamu hao pia wamesisitiza kuwa si rahisi kwa tukio hilo kuchochea kupanda na kushuka kwa upatikanaji wa chip za kumbukumbu nchini China, kwa kuwa utengenezaji wa chip na uwezo wake umeongezeka kidhahiri katika miaka ya karibuni, kwa hiyo pengo lolote linaloachwa na watengenezaji wa bidhaa hiyo kutoka nje ya nchi linaweza kuzibwa kirahisi na kampuni za ndani.

Thread starter ldleo
Start date Jun 22, 2023
Tags

kuhusu madai magharibi nchi nchi za magharibi tathmini upendeleo

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Madai ya ‘nipe nikupe’ ya nchi za Magharibi kuhusu tathmini ya Micron yaonesha upendeleo

ldleo

JF-Expert Member

Our Community

Regional Communities