Kwanini viwango vya kubadilisha fedha vya nchi za Afrika Mashariki viko juu sana?

BARD AI · 2022-09-20T12:46:28+00:00

Wachambuzi wa masuala ya Uchumi wamesema viwango vya juu vya ada za kubadilisha fedha wakati wa malipo ya miamala ya kuvuka mipaka inaathiri sana biashara ya kikanda. Kutokuwepo kwa sarafu moja ya Jumuiya ya Nchi 7 za Afrika Mashariki na kushindwa kuoanisha mfumo wa malipo ni miongoni mwa mambo yanayosababisha kasoro hiyo. Hayo yameelezwa katika AfricaRise Webinar iliyoandaliwa na Baraza la Biashara la Afrika Mashariki (EABC) kwa ushirikiano na Jumuiya ya Afrika Mashariki (EAC) na Umoja wa Ulaya (EU) mwishoni mwa wiki. "Suluhu ya muda inatokana na kupunguzwa kwa viwango vya kubadilisha fedha," anasisitiza Bw John Kalisa, mkurugenzi mkuu wa EABC. Ametoa wito wa "ushirikiano kamili" wa mitandao ya pesa za simu na miamala/malipo ya mipaka katika ngazi ya Jumuiya. Aidha alizitaka nchi washirika wa EAC kufuata mipango ya kupunguza ada za kubadilisha fedha wakati wa miamala kama suluhu la muda bila kuwepo kwa sarafu moja. Kwa mujibu wake, soko la fedha kwenye miamala ya simu la Tanzania lilifikia thamani ya dola bilioni 54.5 mwaka 2021 wakati Rwanda ilirekodi dola bilioni 10 katika miamala ya simu katika mwaka huo huo. Kalisa alisisitiza kwamba gharama kubwa za miamala na kuyumba kwa kiwango cha ubadilishaji wa sarafu huzuia ukuaji wa biashara ya ndani ya EAC. Kwa mujibu wa viwango vya Bei ya Utumaji Pesa wa Benki ya Dunia hadi kufikia robo ya nne ya mwaka 2020, ilikuwa inagharimu wastani wa 6.5% kutuma dola 200 duniani, 4.88% Asia, 6.58% Mashariki ya Kati na Afrika Kaskazini nchi za Kusini mwa Jangwa la Sahara ikiwa na kiwango kikubwa cha 8.19%.

Thread starter BARD AI
Start date Sep 20, 2022
Tags

afrika afrika mashariki fedha kubadilisha mashariki nchi nchi za afrika sana viwango

BARD AI

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kwanini viwango vya kubadilisha fedha vya nchi za Afrika Mashariki viko juu sana?

BARD AI

JF-Expert Member

Our Community

Regional Communities