Kesi ya mauaji Asimwe: Marufuku kutaja majina ya mashahidi, ndugu zao

Wild Flower · 2024-08-22T08:56:35+00:00

Mahakama Kuu ya Tanzania, Kanda ya Bukoba imelikubali ombi la Mkurugenzi wa Mashitaka (DPP) la kuzuia kutumika kwa majina na taarifa za mashahidi katika kesi ya mauaji ya moto mwenye albino, Asimwe Novath. Uamuzi huo wa Mahakama unatokana na maombi ya DPP kupitia maombi ya jinai namba 23143 ya 2024 ambayo yalisikilizwa chemba ili kulinda usalama wa mashahidi na ndugu zao, kwani kumekuwa na tishio la kiusalama dhidi yao. DPP katika maombi hayo, ameeleza kumekuwepo na majaribio mbalimbali kutoka kwa washirika wa washitakiwa kupata majina na utambulisho wa watu ambao wanaweza kuwa mashahidi, kwa lengo la kuwadhuru ili wasitoe ushahidi wao. Soma Pia: Kagera: Watuhumiwa tisa wa mauaji ya Asimwe Novart wafikishwa mahakamani na kusomewa shtaka la kuua kwa kukusudia Wajibu maombi katika maombi hayo ni Padri Elipidius Rwegashora, Novat Venant ambaye ni baba wa marehemu, Nurdin Ahamada, Ramadhan Jadius, Rwenyagira Burukadi, Danstan Burchad, Faswiu Athman, Gozbert Arikadin na Desdery Everigist. Katika uamuzi wake alioutoa jana Jumatano Agosti 21, 2024, Jaji Gabriel Malata amezuia matumizi ya nyaraka ambazo zinaweza kutoa utambulisho wa mashahidi na nyaraka hizo, zitafanywa siri katika hatua zote za usikilizwaji wa shauri hilo. SOURCE: MWANANCHI

Thread starter Wild Flower
Start date Aug 22, 2024
Tags

asimwe kesi kesi ya mauaji majina marufuku mauaji mauaji asimwe ndugu

Wild Flower

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kesi ya mauaji Asimwe: Marufuku kutaja majina ya mashahidi, ndugu zao

Wild Flower

JF-Expert Member

Our Community

Regional Communities