Huduma ya Intanet yarejea Ethiopia baada ya kuzuiwa mwishoni mwa juma

Sam Gidori · 2021-05-18T11:10:10+00:00

Shirika linalofuatilia upatikanaji wa huduma ya intanet la NetBlocks limesema huduma ya intaneti kwa majukwaa ya Facebook, WhatsApp na Instagram imerudi nchini Ethiopia baada ya kukosekana mwishoni mwa juma. Taasisi ya Huduma za Habari ya Ethiopia na Kampuni inayomilikiwa na Serikali ya Mawasiliano ya Ethiopia la Ethio Telecom hazikutoa maelezo yoyote kukubali ama kukanusha taarifa hizo. Majukwaa mengine ya Twitter, YouTune, Snapchat na LinkedIn yaliendelea kupatikana. Hata hivyo, watumiaji waliokuwa wakitumia huduma ya VPN waliweza kupata huduma katika majukwaa yaliyokuwa hayapatikani. Kukosekana kwa huduma ya intanet nchini Ethiopia kunakuja wakati Tume ya Uchaguzi ikitangaza siku ya Jumamosi kuwa inaahirisha uchaguzi wa Wabunge uliokuwa ufanyike Juni 5, ikiwa ni mara ya pili baada ya kuahirishwa kutoka tarehe ya awali ya Agosti mwaka jana kutokana na maambukizi ya virusi vya Corona. Huduma ya intaneti imekuwa ikikosekana mara kwa mara nchini Ethiopia kutokana na machafuko ya kisiasa, hasa katika eneo la Kaskazini la Tigray baada ya vikosi vya jeshi kuingia katika mzozo na Serikali ya eneo hilo. Shirika la NetBlocks, lenye Makao yake Makuu nchini Uingereza, limesema linaendelea kufuatilia mwenendo wa Uhuru wa Intaneti nchini Ethiopia. Chanzo: Reuters

Thread starter Sam Gidori
Start date May 18, 2021
Tags

ethiopia facebook huduma instagram intanet internet whatsapp

Sam Gidori

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Huduma ya Intanet yarejea Ethiopia baada ya kuzuiwa mwishoni mwa juma

Sam Gidori

Senior Member

Our Community

Regional Communities