Hivi kwanini tunafundishwa Historia/Uraia kwa kingereza?

0830x · 2024-11-21T04:20:16+00:00

Ukiangalia vita kati ya waisraeli na wapelestina utagundua moja ya silaha wanazotumia ni historia. Hapa kila pande inajitahidi kuonyesha kuwa kihistoria wao ndio wanastahili kumiliki ardhi wanayopigania. Hii inafanya historia kuwa ni moja ya silaha muhimu sana nchi inatakiwa kuwa nayo. Mimi ni mmoja wa watu wenye shahada, Lakini mpaka leo huwa najiuliza nini kilichangia mpaka serikali ya Tanzania kuhamua kutumia kingereza kwa masomo yote sekondari ukiondoa kishwahili. Kwenye masomo kama fizikia na kemia naweza sema lugha yetu ni changa lakini kwenye masomo muhimu kwa maisha yetu ya kila siku kama histroria na uraia mpaka leo nashidwa kuelewa nchi ilikuwa inafikiria nini. Maana nahisi kwenye kufundisha unahitaji mambo matatu muhimu: Urahisi wa kufikisha ujumbe kwa mwanafunzi wako. Urahisi wa kueleweka kwa mwanafunzi wako. Namna ya kupima uelewa wa mwanafunzi wako. Na hivyo vyote juu ni rahisi kupatakina kwa kiswahili, sielewi kwa nini lugha ngeni zinatumika? Nilikuwa nikipenda sana somo la historia shuleni maana tulikuwa na Mwalimu aliyekuwa akijua kutusimulia vizuri (kwa kutumia kiswahili) jinsi mambo yalivyokuwa hapo nyuma. Nilipenda sana kumsikiliza lakini lilipokuja swala la kujibu mitihani hapa ndipo chuki yangu na hili somo ilianza. Sio kwamba sikujua nini cha kujibu bali lugha ilikuwa changamoto sana. Kwa waliosoma software programming naamini wanajua kuna aina hizi 2 za testing: Unit testing (Kupima kitu kimoja pekee) Intergration testing (Kupima kitu zaidi ya kimoja kwa pamoja) Kama tunapima uelewa wa somo la historia kwa mwanafunzi kwa nini tumpime na uelewa wa somo jingine (kingereza) wakati huo huo? Hapa tunashindwa kabisa kufanya unit testing. Tukija kwenye maisha nahisi wengi tunaona jinsi vitu vingi tulivyosoma shule havina msaada kabisa. Hii tufanye ndio intergration testing. Kuna muda nafikiria kuwa moja ya lengo kuu ya elimu ya Tanzania ni kututolea ujinga wa aina moja na kutuwekea ujinga wa aina nyingine. Kwa hili serikali inastahili pongezi. Huwa nafurahi sana kusikia nchi nyingine zikianza kufundishwa kiswahili. Lakini sisi waanzilishi bado hatutumii kiswahili ipasavyo! Sijui nchi nyingine zitajifunza nini hapa.

Thread starter 0830x
Start date Nov 21, 2024
Tags

elimu historia kingereza

0830x

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Hivi kwanini tunafundishwa Historia/Uraia kwa kingereza?

0830x

Member

Our Community

Regional Communities