Chawa wa Mama Abdul

Abtali mwerevu · 2025-02-20T13:51:56+00:00

Na: Mwalimu Makoba Tazama nikamuita mwanangu mpendwa, naye nikamtuma aende mjini akalete vitumbua ili tupate kushtua matumbo. Nilimwelekeza aende kwa Mama Abdul, mama muungwana, mtenda haki na kamwe hakupunja katika kipimo chake. Nami nikapanda juu ya mlima ili niweze kujionea yanayoendelea. Nikamuona Mama Abdul akipika vitumbua, pembeni kazungukwa na chawa, mbele kidogo kuna wateja waliohitaji kununua vitumbua hivyo! Wateja wapo kimya wanasubiri vitumbua, chawa wanamsifia kwa mapishi yake. Naye awekapo vitumbua vilivyoiva katika sufuria, chawa wanachukua na kula, wengine walimeza bila kutafuna huku wakimwagia sifa lukuki. Nikaliona kundi la pili lililohitaji kununua likiwa limechoka kusubiria, taratibu wakaanza kuondoka mmojammoja, wengine waliondoka wawiliwawili. Waliondoka taratibu mpaka walipoisha wote! Wakabaki chawa, wanakula vitumbua bila kushiba. Mwanangu mpendwa alikuwa wa mwisho kuondoka, aliondoka na pesa yake mkononi tena akiimba, “Baba kanituma vitumbua tisa na chenji nirudishiwe!” Tazama ikafika jioni mwangaza ukapotea, sikuweza kuyaona yaliyoendelea, nami nikatamani sana kuyaona lakini sikuweza tena. Niliambulia kusikia makelele ya chawa wakishangilia, “vitumbua vitamu! Hiki cha sasa kiboko… unga umekaa mahali pake, sukari imekadiliwa, moto kidogo mafuta kiasi na laini kutafuna… vitumbua hoyeeeee!” Wakati nashuka mlimani nikawaza, kama vitumbua vyote vimeliwa na chawa, na hakuna senti moja aliyoingiza Mama Abdul ni wapi atapata fedha ya kununulia unga ili apike vitumbua vingine hiyo kesho? Nami nikiisha kushuka mlimani, nikabaini kuwa, wafanyabiashara wana siri nyingi!

Thread starter Abtali mwerevu
Start date Feb 20, 2025
Tags

chawa chawa wa mama

Abtali mwerevu

JF-Expert Member

Feb 20, 2025

zabron k

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Chawa wa Mama Abdul

Abtali mwerevu

JF-Expert Member

zabron k

JF-Expert Member

Our Community

Regional Communities