Batilda Buriani amewaongoza wananchi Mkoa wa Tabora katika kuadhimisha siku ya UKIMWI

BWANKU M BWANKU · 2021-12-02T03:20:59+00:00

BALOZI BATILDA AONGOZA SIKU YA UKIMWI DUNIANI ILIYOADHIMISHWA KIMKOA WILAYANI SIKONGE. Mkuu wa Mkoa wa Tabora Mhe. Balozi. Dkt. Batilda Buriani amewaongoza wananchi Mkoa wa Tabora katika kuadhimisha siku ya UKIMWI Duniani Kata ya Ipole Wilayani Sikonge na kuhudhuriwa na viongozi mbalimbali. Akitoa hotuba katika maadhimisho hayo Balozi. Dkt. Batilda amesema hali ya maambukizi kwa Mkoa wa Tabora imepungua ambapo takwimu zinaonesha ni asilimia 5.1 ya maambukizi kwa mwaka 2021 hali ambayo imechangiwa na uelewa mpana wa watu pamoja na hatua madhubuti zinazochukuliwa kujikinga na maambukizi hayo. Aidha,Balozi Batilda amepongeza mashirika na taasisi binafsi zinazotoa Elimu ya mapambano dhidi ya Virusi Vya UKIMWI hatua ambayo imesaidia kupunguza maambukizi hayo. Sambamba na hilo Balozi Batilda amewasisitiza wananchi hasa vijana kujilinda dhidi ya maambukizi huku akiwaasa kupima ili kujua afya zao. "..Tuazimie leo kuhakikisha tunafata misingi inayotakiwa..tuwe waadilifu katika kutunza afya zetu, takwimu zinaonesha kundi la vijana wenye umri wa miaka 15-24 wanaongoza kwa maambukizi kuliko makundi yote..lakini pia niwapongeze wale wote ambao wamepima afya zao leo" Balozi.Dkt.Batilda. Maadhimisho hayo kwa mwaka 2021 yamebeba kaulimbiu isemayo; "ZINGATIA USAWA,TOKOMEZA UKIMWI,TOKOMEZA MAGONJWA YA MLIPUKO"

Thread starter BWANKU M BWANKU
Start date Dec 2, 2021
Tags

balozi balozi batilda duniani siku ukimwi

BWANKU M BWANKU

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Batilda Buriani amewaongoza wananchi Mkoa wa Tabora katika kuadhimisha siku ya UKIMWI

BWANKU M BWANKU

JF-Expert Member

Our Community

Regional Communities