Athari za COVID19 kwa afya ya akili ya Wafanyakazi

JamiiTalks · 2020-06-21T06:21:40+00:00

Afya ya akili huchangia moja kwa moja katika uwezo wa kuzalisha wa binadamu yeyote, ubora wa mahusiano na pia kiasi cha kufurahia maisha. Afya ya akili huchochewa na factors za kibaiolojia, kisaikolojia, kijamii na kihisia. Ingawa Siku ya Dunia ya Afya ya Akili imeanza kusherehekewa mwaka 1992, bado jamii ya Tanzania haijawa wazi kuhusu masuala haya. Katika mazingira ya kazi, hili halizingatiwi kwani ni taasisi chache ambazo zimeajiri mtaalamu wa kutoa msaada wa ushauri na wa kitabibu unaohusu afya ya akili kwa wafanyakazi. Hofu ya COVID19 inawatafuna baadhi ya wafanyakazi ambao wanalazimika kwenda kazini kila siku kama vile hakuna tatizo lolote. Hofu hii ni kubwa zaidi kwa wale ambao wana watoto wadogo nyumbani na wanahudumia watu mbalimbali kila siku. Lakini tatizo halipo kwa wale ambao wanaenda kazini tu. Hata wale ambao wanafanya kazi kutoka nyumbani wanapata shida kwani kutoka katika mazoea ya kila siku inaweza kuleta shida ya msongo wa mawazo, upweke n.k. Pia mazingira ya nyumbani yanaweza kuwa si rafiki na kupunguza ufanisi wa mfanyakazi hivyo kumpa hofu ya kupoteza kazi. Vilevile wafanyakazi ambao wamepata COVID19 na kupona wanaweza kupata changamoto kurudi ofisini kwa kuogopa unyanyapaa ama kuwa na hisia kuwa ni kazi iliyopelekea wakapata maambukizi. COVID19 pia imepelekea kupoteza kazi kwa baadhi ya wafanyakazi kutokana na sintofahamu iliyozikumba baadhi ya taasisi. Kuna taasisi ambazo zimewapa wafanyakazi taarifa za kusitisha utendaji baada ya miezi kadhaa hivyo wanafanya kazi huku wakijua watalazimika kusaka ajira mpya na kupelekea msongo wa mawazo. Nini kifanyike? 1. Wahusika wajitahidi kufunguka na kuongea na watu wanaowaamini. Kuongea kunasaidia kupunguza mzigo wa mawazo. 2. Taasisi na Kampuni ziangalie namna ya kupata wataalamu wa afya ya akili kwa ajili ya kuwapa wafanyakazi msaada stahiki na hata kuwapa nyenzo za kuepuka matatizo ya akili katika kipindi hiki kigumu. 3. Taasisi zenye wafanyakazi wanaofanya kazi kutoka nyumbani zifanye mikutano ya mara kwa mara ya kujuliana hali na kujadili changamoto.

Thread starter JamiiTalks
Start date Jun 21, 2020

Status: Not open for further replies.

JamiiTalks

JF Advocacy Team

Jun 21, 2020

Upvote 0

Status: Not open for further replies.

Facebook X Bluesky LinkedIn Reddit WhatsApp Email Link

General Forums
Stories of Change
Stories of Change 2022

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts