Vitabu vya Kezilahabi, sasa vinapatikana madukani na mtandaoni

Tanzania Nchi Yetu Sote · 2022-07-11T04:02:16+00:00

MWITO KWA WATAALAMU WA FASIHI Mchapishaji mashuhuri wa vitabu vya Kiswahili nchini Tanzania, APE Network, ana Mpango wa kutangaza na kuhifadhi kazi bora za fasihi ya Kiswahili kwa kuchapisha, kusambaza, kuweka mtandaoni, kuhifadhi na kuchambua kazi hizo kifasihi. Shughuli hiyo imekwishaanza na inaendelea. Zaidi ya vitabu 30 vilivyokuwa vimepotea, vikiwamo vitabu vya Kezilahabi, vimekwishahuishwa na sasa vinapatikana madukani na mtandaoni. Aidha, vitabu 500 vya Kiswahili sasa vinapatikana mtandaoni kwa gharama ndogo ya Sh. 2000/= tu (tembelea www.lantern.co.tz). Ili kufanikisha Mpango huu, Mchapishaji angependa kushirikisha wadau wa Fasihi, hasa wataalamu, wachambuzi, wahakiki na walimu, ambao watapenda kushiriki. Madhumuni ya Tangazo hili ni kukualika wewe mdau mwenye nia na raghba ya kukuza, kutangaza, kuhifadhi na kuendeleza Fasihi ya Kiswahili nchini Tanzania, ujitokeze na kushiriki katika Mpango huu adhimu. Mtu yeyote ambaye amepata kuhakiki, kufundisha au kuandika tasnifu au kazi maalum kuhusu kazi yoyote ya Fasihi ya Kiswahili anaweza kushiriki. Namna ya kushiriki Wasiliana na Mratibu, M.M. Mulokozi (0788-260760) kikashani; au mwandikie kwenye anwani pepe zifuatazo: mugyam@gmail.com na/au tamulokozi50@yahoo.co.uk ukitaja kitabu au vitabu ambavyo ungependa kuvizungumzia. Unaweza kuchagua kitabu chochote kati ya vitabu bora vya Kiswahili unavyovifahamu, na pendekezo lako likikubaliwa utapangiwa siku na saa ya kuhojiwa na kurekodiwa kwa njia ya sauti na video kwa muda usiozidi dakika 30. Mpango huu ni endelevu na hakuna tarehe ya mwisho ya kuleta mapendekezo, japo kuwahi ni muhimu. KARIBUNI WADAU WOTE TUENDELEZE FASIHI YETU!!!

Thread starter Tanzania Nchi Yetu Sote
Start date Jul 11, 2022
Tags

fasihi wataalamu

Tanzania Nchi Yetu Sote

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Vitabu vya Kezilahabi, sasa vinapatikana madukani na mtandaoni

Tanzania Nchi Yetu Sote

JF-Expert Member

Our Community

Regional Communities