NEC yatangaje igihe izatangariza ibyavuye mu matora

Igihe · 2024-07-15T04:59:50+00:00

Komisiyo y’Igihugu y’Amatora,NEC yavuze ko iby’ibanze bizaba byavuye mu matora ya Perezida wa Repubulika izabitangaza mu ijoro ryo ku wa 15 Nyakanga 2024, mu gihe ibyavuye mu matora y’Abadepite bizatangazwa ku wa 16 Nyakanga 2024. Mu itangazo yashyize hanze kuri uyu wa 14 Nyakanga 2024, NEC yavuze ko kandi ku wa 16 Nyakanga 2024 ari na bwo hazaba amatora y’abadepite babiri batorwa n’Inama y’Igihugu y’Urubyiruko, n’ay’umudepite umwe utorwa n’Inama y’Igihugu y’Afite Ubumuga. NEC yavuze ko iby’ibanze bizaba byavuye mu matora ya Perezida wa Repubulika izabitangaza mu ijoro ryo ku wa 15 Nyakanga 2024. Ku gicamunsi cyo ku wa 16 Nyakanga 2024 izatangaza iby’ibanze byavuye mu matora rusange y’Abadepite, mu gihe ku mugoroba w’uwo munsi izatangaza by’agateganyo ibyavuye mu matora y’ibyiciro byihariye. Ku wa 20 Nyakanga 2024 ni bwo NEC izatangaza by’agateganyo ibyavuye mu matora ya Perezida wa Repubulika n’ay’Abadepite, mu gihe bitarenze ku wa 27 Nyakanga 2024 izatangaza amajwi ya burundu yo mu matora ya Perezida wa Repubulika n’ay’Abadepite. Iyi komisiyo y’amatora yatangaje ko ibikorwa byo kwiyamamaza byatangiye ku wa 22 Kamena 2024, bigasozwa ku wa 13 Nyakanga 2024, byagenze neza muri rusange mu gihugu hose. Yongeye kwibutsa Abanyarwanda bose ko igikorwa cy’amatora ya Perezida wa Repubulika n’ay’Abadepite, cyatangiye ku wa 14 kugeza ku wa 16 Nyakanga 2024 kizakorwa mu byiciro. Iti “Ku wa 14 Nyakanga 2024 hazaba amatora ya Perezida wa Repubulika ku Banyarwanda baba mu mahanga, ay’Abadepite 53 baturuka mu mitwe ya politiki n’abakandida biyamamaza ku giti cyabo ku Banyarwanda baba mu mahanga.” NEC yerekanye ko ku wa 15 Nyakanga 2024 hazaba amatora ya Perezida wa Repubulika mu Rwanda n’ay’Abadepite 53 baturuka mu mitwe ya politiki n’abakandida biyamamaza ku giti cyabo mu Rwanda. Nk’uko biteganywa n’itegeko ngenga nimero 001/2019.OL ryo ku wa 29 Nyakanga 2019 rigenga amatora, Komisiyo y’Igihugu y’Amatora yibukije Abanyarwanda ko bibujijwe kwiyamamaza cyangwa kwamamaza ku munsi w’amatora. Yakomeje iti « Birabujjiwe kandi kwambara ibirango by’imitwe ya politiki cyangwa by’abakandida bigenga. Umukandida abujiwe kuba ha-fi y’ibiro by’itora keretse iyo aje gutora n’igihe cyo kubarura amajwi. » NEC yavuze ko umuturage umaze gutora ada¬fite akandi kazi kuri site y’itora asabwa guhita ahava, akaza kugaruka mu gihe cyo kubarura amajwi mu gihe abyifuza. Iyi komisiyo yavuze ko itora ni ibanga ndetse ko bibujijwe gufata amafoto mu bwihugiko cyangwa se agaragaza uwo umuntu yatoye. Urutonde ntakuka rwa Komisiyo y’Igihugu y’Amatora rugaragaza ko abantu bazatora ari 9.071.157 barimo ab’igitsina gabo barenga miliyoni 4,2, mu gihe abagore barenga 53% by’abazatora bose, bivuze ko ari 4.845.417. Abanyarwanda baba mu mahanga bazatora ni 77.138, barimo abagabo 41.243 n’abagore 35.895. NEC yatangaje ko abakorerabushake barenga ibihumbi 100 boherejwe mu bice bitandukanye by’igihugu mu gufasha kugira ngo amatora agende neza ndetse biteganyijwe ko indorerezi zirenga 1100 ari zo zizaba zikurikirana uko amatora ari kugenda. Mu byumweru bibiri Perezida w'u Rwanda azaba yamenyekanye Kwamamaza. Igihe

Thread starter Igihe
Start date Jul 15, 2024
Tags

komisiyo y’igihugu y’amatora matora ya perezida wa repubulika nec

Igihe

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

NEC yatangaje igihe izatangariza ibyavuye mu matora

Igihe

Member

Our Community

Regional Communities