Mwigulu Amelihakikishia IMF kuhusu Maboresho ya Sekta Mbalimbali

Dalton elijah · 2024-05-17T17:30:54+00:00

Waziri wa Fedha, Dkt. Mwigulu Nchemba (Mb) amelihakikishia Shirika la Fedha la Kimataifa (IMF) kwamba, Serikali itaendelea kufanya maboresho ya sera na mipango yake kwa kuhakikisha sekta mbalimbali za kiuchumi na kijamii zikiwemo sekta za elimu na afya zinapewa kipaumbele katika Bajeti ya Serikali. Dkt. Nchemba amesema hayo wakati akifunga vikao vya majadiliano kati ya Serikali na Timu ya Wataalam kutoka Shirika la Fedha la Kimataifa (IMF), baada ya kukamilisha tathimini ya awamu ya tatu ya utekelezaji wa program ya Extended Credit Facility-(ECF), inayohusisha upatikanaji wa mkopo nafuu kwa ajili ya kuimarisha uchumi wa nchi kupitia sekta za uzalishaji na huduma za jamii pamoja na maombi mapya ya Serikali ya kupata fedha za kukabiliana na athari za mabadiliko ya tabianchi kupitia dirisha la Resilient and Sustainable Fund (RSF) kutoka Shirika hilo. Dkt. Nchemba alisema kuwa Serikali itaendelea kutoa kipaumbele katika Bajeti kwa Sekta ya Elimu pamoja na afya kwa kuwa Serikali imefanya maboresho makubwa ikiwemo kuboreshwa kwa mitaala ya elimu pamoja na umuhimu wa kujenga miundombinu itakayo wezesha utoaji elimu inayokidhi mahitaji ya kukuza ajira na ujuzi hususan kwa vijana na kuanzishwa kwa mpango wa Bima ya afya kwa wote. Naye, Gavana wa Benki Kuu ya Tanzania, Bw. Emmanuel Tutuba, amesema Benki Kuu imejitahidi kwa kaisi kikubwa kutekeleza mapendekezo ya IMF kupitia utekelezaji wa sera ya fedha na usimamizi wa sekta ya fedha na Uchumi kiujumla. Pia, ameahidi kuendeleza ushirikiano na shirika hilo ambao una tija katika ukuaji wa Uchumi wa nchi, ustahimilivu wa bei na ustawi wa sekta ya fedha. Kwa upande wake, Bw. Harris Charalambos Tsangarides, alisema kuwa tathimini yao ya awamu ya tatu imeonesha kuwa Tanzania imetekeleza vizuri mpango wa ECF na kushauri hatua kadhaa zinazotakiwa kuendelea kuchukuliwa ikiwemo kuimarisha zaidi huduma za jamii, kusimamia kikamilifu soko la fedha za kigeni. kuongeza ukusanyaji wa mapato ya ndani pamoja na kuchukua hatua madhubuti za kukabiliana na mabadiliko ya tabianchi. Tanzania imefanyiwa Tathimini ya Awamu ya Tatu ili iweze kupata fedha kutoka IMF kwa ajili ya kutekeleza miradi mbalimbali ya kiuchumi na kijamii ambapo hadi sasa imepokea kiasi cha dola za Marekani milioni 455.3 kati ya dola za Marekani bilioni 1.1 ambazo Tanzania itanufaika nazo katika kipindi cha utekelezaji wa program ya ECF. Aidha, iwapo mapendekezo ya Serikali ya programı mpya ya RSF yataridhiwa na Bodi ya IMF, Tanzania itaongezewa fedha za mkopo nafuu ambazo zitatolewa kwa kıpindi cha miaka miwili (2025/2026). Chanzo: BOT

Thread starter Dalton elijah
Start date May 17, 2024
Tags

mwigulu

Dalton elijah

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mwigulu Amelihakikishia IMF kuhusu Maboresho ya Sekta Mbalimbali

Dalton elijah

JF-Expert Member

Our Community

Regional Communities