Mikutano Miwili ya China yaanza kukiwa na matumaini mapya

ldleo · 2023-03-09T02:24:52+00:00

Wakati wa Mikutano Miwili ya China, yaani mkutano wa Bunge la Umma la China NPC, na Baraza la Mashauriano ya Kisiasa la China CPPCC umefika. Hii ni mikutano muhimu ya China ambapo vyombo vikuu vya uwakilishi wa umma na majadiliano kuhusu sera na mambo yanahusu taifa yanafanyika. Mara zote mkutano huo umekuwa unafuatiliwa na wachina pamoja na watu wengine duniani kutokana na kuwa mambo yanayojadiliwa na maamuzi yanayotolewa, si kama tu yanaihusu China bali pia yanaihusu dunia nzima. Mikutano Miwili ya safari hii ya China ni tofauti kidogo na Mikutano iliyopita, kwani mbali na majadiliano yanayofanyika bungeni na mashauriano kuhusu mambo ya taifa, awamu mpya ya serikali pia inaingia rasmi madarakani. Jambo kubwa zaidi linalofuatiliwa na wengi kuhusu Mikutano Miwili ya mwaka huu iwe ni wachina au hata watu wa nje ya China, ni mipango ya serikali kuhusu hali ya uchumi wa China baada ya janga la COVID-19, na katika mazingira ambayo dunia inakabiliwa na athari za mgogoro wa Ukraine. China ikiwa ni moja ya ngome kuu za kiuchumi duniani, inatarajiwa kuwa tegemeo la kutuliza mitikisiko ya kiuchumi iliyotokana na changamoto hizo mbili. Jambo la pili ambalo limekuwa likifuatiliwa zaidi na wanazuoni wa mambo ya kisiasa na ushirikiano wa kimataifa, ni hali ya utulivu inayoonekana katika kupeana vijiti vya uongozi kati ya serikali inayomaliza muda wake, na serikali mpya inayoingia madarakani. Limekuwa ni jambo la kawaida kwa baadhi ya nchi, kusikia mivutano na wakati mwingine hata migongano wakati serikali moja inaondoka madarakani na nyingine inapoingia madarakani. Lakini kwa China, mabadiliko ni sawa na mbio za kupokezana vijiti, na anayepokea kijiti anaendeleza mbio zilezile. Jambo la tatu ni kuwa mabadiliko ya awamu ya uongozi wa serikali nchini China, hayayumbishi mipango ya nchi nyingine. Mara nyingi katika baadhi ya nchi kubwa, inapoingia serikali tofauti madarakani, au hata kama ni serikali ile ile lakini wanaingia watu tofauti kwenye nyadhifa za juu, basi kunakuwa na uwezekano mkubwa wa kutokea mabadiliko ya kisera ambayo yanakuwa na athari hasi kwa watu wa nchi nyingine. Waziri mkuu wa China Bw. Li Keqiang, alisema kwenye ripoti yake kuwa mwaka huu makadirio ya ongezeko la pato la taifa ni asilimia 5, kwa wanaofuatilia sera ya kuchochea matumizi ya ndani ya China, ni wazi kabisa kuwa makadirio haya pia yanamaanisha matumizi zaidi ya kuagiza bidhaa kutoka nje. Kwa nchi za Afrika zinazouza bidhaa kwa China, ambazo biashara zake ziliathirika kutokana na janga la COVID-19, na nchi nyingine ambazo biashara zake ziliathirika kutokana na hatua za kukabiliana na janga la COVID-19, makadirio haya yaliyotangazwa na waziri mkuu ni ishara nzuri ya kufufuka kwa shughuli za uchumi.

Thread starter ldleo
Start date Mar 9, 2023
Tags

china mapya matumaini mikutano

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mikutano Miwili ya China yaanza kukiwa na matumaini mapya

ldleo

JF-Expert Member

Our Community

Regional Communities