Maafisa 4 wa polisi washtakiwa kwa mauaji Kenya

Kurzweil · 2016-07-18T13:49:37+00:00

Maafisa 4 wa polisi wa kituo cha Syokimau Kenya wanaotuhumiwa kwa mauaji ya wakili mmoja na mteja wake pamoja na dereva wao wa teksi wamekanusha mashtaka dhidi yao. Maafisa hao sajini wa polisi wa utawala Fredrick Leliman,na Leonard Maina Mwangi, pamoja na koplo wa polisi Stephen Chebulet na konstebo Silvia Wanjiku Wanjohi, wamekanusha mashtaka 3 ya mauaji walipofikishwa mbele ya hakimu mkuu wa Milimani jaji Jessy Lesit. Upande wa mashtaka umesema kuwa unaandaa mashahidi 45 dhidi ya wanne hao ambao walitibua maandamano ya juma zima mjini Nairobi mawakili wakisusia kazi kufuatia mauaji ya wakili mwenza Willie Kimani,mteja wake Josephat Mwenda na dereva wao wa teksi Joseph Muiruri . Maafisa hao wanatuhumiwa kuwateka nyara Wakili Wille na mteja wake walipokuwa wanatoka mahakamani kusikizwa kwa kesi dhidi ya afisa wa polisi aliyempiga risasi mteja wake bila kosa lolote. Tukio hilo lilitokea mjini Mavoko viungani mwa mji wa Nairobi. Upande wa mashtaka unasema kuwa baadhi ya mashahidi wao wanalindwa na polisi baada ya kuzuka hofu ya mauaji zaidi yanayotekelezwa na washiriki wa washtakiwa. Kesi hiyo itasikizwa tarehe 16 mwezi Agosti. Chanzo: Star Tv

Thread starter Kurzweil
Start date Jul 18, 2016

Kurzweil

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Maafisa 4 wa polisi washtakiwa kwa mauaji Kenya

Kurzweil

JF-Expert Member

Our Community

Regional Communities